ساعات الدنيا بتضيق أوي
هي الدنيا بنفس متغيراتها موجودة مفيش كلام
بس هي بتضيق جوانا احنا
وكأن أجسادنا ووجودها المادي مجرد زنزانة
ونفوسنا وأمراضها هى السجان
بتحبس الروح جواها
يمكن مجرد أوهام بنتجرد منها على فترات
في فترة ممكن نكون فيها قمة فى التفاؤل
وفترة تانية بنكون أجسام صلبة غير حساسة
لا تشعر .. لا تستطيع الكلام ... لا تفكر ... ولا تعي
ومحاولة عمل الأشياء دي كلها
بتكون مجرد محاولة للتعدي على خصوصية كائن شرس
عنده استعداد يقاتل معاك لآخر لحظة عشان ياخد وقته
وكل أما تعاند معاه .. كل أما يدخل فى المود أكتر
والروح تستغيث بشيء مجهول أكبر
يا ترى هى حالة من الغموض الثابت
ولا السوبات الغامض
ويظل السؤال منغير جواب
وهى الروح لفيــن رايحــة !!!
ليست هناك تعليقات:
إرسال تعليق