الملتفت ... لا يصــــــــل ...

الملتفت ... لا يصــــــــل ...الالتفات له معانى كتير أوى ... منها :

- الانشغال عن الهدف الرئيسي لحياتك بأهداف فرعيـــة ملهاش فايدة

- الالتفات لنقد الآخرين والثبات عنده ... بصورة سلبية 

- البكاء على الأطلال 

- انك تتلون عشان ترضي بشــر

- إنك تقارن نفسك بحد تانى ومتقدرش الاختلاف
- انك تشوف كل الناس غلط عشان هواك كدة
- انك تبعد عن طلب المساعدة ... لانك بتخاف حد يشوف فشلك
- انك تطلب المكافآه من بشر "هي طبيعه" بس لما تزيد عن الحد بتكون أنانية
- انك متقدرش نفسك حق قدرها
- انك تشوف نص الكباية الفاضي
- انك تتوقف عن الوقوف لإعادة الحسابات لانك بتدعى إنه مفيش وقت
- إمك تفل طول الوقت باصص لعيوبك ... ومش شايف غيرها وملتلفت عن مميزاتك ونقاط القوة فشخصيتك
- إنك تجادل كتير لمجرد إنك تجادل وليس للوقوف على الحق وإعلاؤه
- إنك تشتت تفكيرك فأكتر من اتجاه ...
- إنك ميكونش لك معلم ... تدرس على إيده ويوجهك لمجرد إنك بردو بتخاف إن حد يقولك إنك خطأ
- إن تكون فكرتك عن الخطأ إنه عار ... وعيب تغلط ... اغلط الغلط مش عيب العيب الاستمرار بعد معرفته
- إنك تفضل تحلم أحلام غير واقعية ... وتفضل طاااير فوق
- إنك تعيش من غيرخطة ..
- إنك تكون هوائي ... وكفتى ميزانك مش متساويين ...
- "إنك تعتبر التغيير متغير ... لأنه الثابت الوحيد فالحياة
- إنك تكون جامد وغير مرن ...
- إنك تحاول تغيرك ... ومتغيرش اللي جواك
اللى عنده معنى تانى ياريت يضيف ... احنا كلنا محتاجين نبص قدام
سارة صراف ... 09-02-2012